મહારાણા પ્રતાપ સેવા ગ્રુપ બનાસકાંઠા

સમર્પણની સાચી વ્યાખ્યા

મહારાણા પ્રતાપ સેવા ગ્રુપ બનાસકાંઠા કોઈ સામાન્ય સંસ્થા નથી, પણ એક પરિવાર છે. આ ગ્રુપની સૌથી મોટી તાકાત એ છે કે અહીં કોઈ પ્રમુખ કે મંત્રી નથી. દરેક સભ્ય પોતાને માત્ર અને માત્ર 'સ્વયંસેવક' માને છે.

તમને જાણીને નવાઈ લાગશે કે, આ ગ્રુપમાં એવા પણ સદસ્યો છે જેઓને મોટી ઓફિસોમાં મળવા માટે કલાકો સુધી લાઈનમાં ઊભું રહેવું પડે છે. પરંતુ જ્યારે અંબાજી કેમ્પની વાત આવે, ત્યારે એ જ લોકો હાથમાં સાવરણી લઈને કચરો વાળવાથી લઈને, માઈ ભક્તોના પગ પર ટ્યુબ ઘસીને માલિશ કરવાની સેવા ચહેરા પર હળવા સ્મિત સાથે કરે છે. જમીન સાથે જોડાયેલા આ સભ્યો જ ગ્રુપનો અસલી પાયો છે.